არაფერზე

ჩვენი საძინებლის ფანჯრები საბავშვო ბაღის ეზოს უყურებს. დღისით პატარები გარეთ გამოჰყავთ და ერთობიან თავისთვის. თამაშობენ რაღაც თამაშებს, წრეზე დარბიან, ბურთს აწვდიან ერთმანეთს და ა.შ. ძალიან სასაცილოები არიან. ქერები, პატარები, ფერად-ფერად ქურთუკებსა და შარფებში შეფუთულები.

ავტობუსში ან ტროლეიბუსში ხშირად გვხვდებიან ჯგუფ-ჯგუფად ბავშვები. აუცილებლად სპეციალური ფორმები აცვიათ, სტაფილოსფერი ან ფოსფორისფერი. აი ისეთი, ჩვენთან მეეზოვეებს რომ აცვიათ ხოლმე. ჰოდა, ეს ფერები კიდევ უფრო აყვითლებს ამ ისედაც ქერა ბავშვებს. ამოდიან ავტობუსში ორ-ორად დაწყობილები, ხელჩაკიდებულები. ამოდიან, სხდებიან და ჟივჟივს იწყებენ. ამათი ენა ისედაც ბეღურა ჩიტების ჟივჟივივით ჩამესმის და ეს პატარა ყვითელი წიწილები რომ ლაპარაკობენ ხომ საერთოდ. სხვა სიტყვას ვერ შევუსაბამებ: ჟივჟივებენ :)))

ისეთი საყვარლები და სასაცილოები არიან გზაზე გადასვლას რომ ასწავლიან, დაკვირვებისგან დაძაბული სახეებით, ერთმანეთს ჩაჭიდებულები, ორ-ორად დაწყობილები, ყვითლები,  მოჟივჟივე წიწილები.

ძალიან ვნანობ, რომ ფერად ხეებს ბევრი ფოტო არ გადავუღე. ახლა უკვე დასცვივდათ ლამაზი ფოთლები, გატიტვლდნენ, ცოტა აიბუზნენ და გოროზად იყურებიან. არადა, ორიოდე კვირის წინ ისეთი ფერებით იყვნენ შემოსილები, კარნავალზე მეგონა თავი.

თავისუფლების მოედანზე ეკლესიაა. არ ვიცი კათოლიკურია თუ მართლმადიდებლური, არ შევსულვარ. თუმცა, აქაურ პანაშვიდ-გამოსვენებას უკვე ორჯერ შევესწარი. იდგნენ მოხუცები, მხრებაწურულები, მუქ ფერებში ჩაცმულები, ფოთოლგაცვენილი ხეებივით, დამწუხრებული სახეებით. მე კი მრცხვენოდა, რომ ფერადი ხეები მიხაროდა იმ წუთს. ვიღაც გლოვობდა, მე კი მიხაროდა.

D:DCIM100DICAMDSCI3734.JPG

სიკვდილთან ყოველი შეჯახება მტკივნეულია. უფრო მტკივნეულია, როცა შენ კარგავ ვინმეს. ვინმეს, ვისთვისაც ვერ მოასწარი გეთქვა როგორი კარგი იყო, როგორ გსიამოვნებდა მასთან ურთიერთობა. ახლა უკვე გვიანია ბოდიშის მოხდა ნათქვამი თუ არ ნათქვამი სიტყვების გამო. ბოდიში შეწყვეტილი საუბრების და ბოლომდე არ მოსმენილი აზრების გამო. ბოდიში ნაჩქარევი და არასწორი საქციელების გამო. ბოდიში შეუსრულებელი პირობების გამო.
გვიანია.

ყოველი ასეთი მტკივნეული შეჯახების მერე ხვდები რა ძვირფასია ის თითოეული ადამიანი, ვისთანაც ყოველდღე გაქვს ურთიერთობა. ან არ გაქვს. ისინი, ვისაც იცნობ. ან არ იცნობ. ვინც უბრალოდ გაიგე, რომ უცხოვრებლად, მოხუცებულიბას მიუღწევლად გამოემშვიდობა სიცოცხლეს.

Advertisements

2 thoughts on “არაფერზე

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s