თეუსუს ჯავახიშვილს უერთებენ

გუშინ ფორუმსა და ფეისბუქზე ჭორი გვარცელდა, თეუსუს თსუ–ს უერთებენო.  გამიხარდა.

ეს მარტივად, ახლა ცოტა გავშალოთ, რაც ხდება.

თავიდან არ დავიჯერე, ხუმრობად მივიჩნიე და გულიც დამწყდა, რადგან თეუსუს მიმართ ჩემი განწყობა და უკმაყოფილება , უმეტესობამ იცის… დღეს უნივერსიტეტში მისულს პანიკა დამხვდა, თსუ–ში გადავყავართო. ბევრს მოსწონს ეს ამბავი, უფრო მეტი კი უკმაყოფილოა, საღამოს ფეისბუქზე შესულს უკვე აქციების ორგანიზების ამბები დამხვდა 🙂

სისულელეა ეს ყველაფერი, მე მიხარია და მინდა კიდეც, რომ შეუერთონ თსუ–ს.  რატომ არ უნდა მიხაროდეს რამოდენიმე უფრო კარგი ლექტორი, უფრო კარგი სწავლების სისტემა, მხოლოდ საჭირო საგნები (განსხვებით მიკრო–მაკრო ეკონომიკისაგან, რაც თეუსუში გამატარეს), მეორადი პროფესია და ელემენტარულად, რომ ვიტყვი თსუ–ს სტუდეტი ვარ–მეთქი , აღარავინ ჩამეკითხება ეგ რომელია? ეკონომიკურ ურთიერთობათა? კი, მაგრამ მაგას იურიდიული რად უნდაო 🙂

თსუ–ში გადასვლა პირველივე კურსიდან მომინდა, როგორც კი თეუსუს სწავლების შიდა სისტემას გავეცანი. არ დამიწეროთ ახლა კომენტარებში, თუ თსუ გინდოდა, თეუსუში რატომ ჩააბარეო. შემაცდინეს, ბატონო, მითხრეს, რომ მანდ უკეთესი სწავლააო, პირველივე თეუსუ ჩავწერე და დავრჩი კიდეც გაღიმებული 🙂

რომელი სჯობს? =)

ეს სუბიქტური მოსაზრებები, მაგრამ გასათვალისწინებელია, რომ ამით ჩვენი უფლებები ირღვევა  და როგორც იურისტს, არ მომოწონს ეს ამბავი. რატომ არავინ გვიხსნის მიზეზებს? რატომ არავინ გვეუბნება სწავლის როგორი სისტემა გვექნება? დაგვჭირდება თუ არა კრედიტების დაგროვება, რაც არ გაგვივლია? ყველაზე ცუდ ვარიანტში მაინც მე–4 კურსელები არიან, რომლებსაც თეუსუს უაზრო სწავლის სისტემის გამო თსუ–ს მე–4 კურსლებთან შედარებით აშკარად სხვა საგნები და კრედიტები ექნებათ.

არც ისაა გარკვეული რა ელით ლექტორებს. უმუშევრად რჩებიან?  ამ შუა სემესტრში? აქაც უსამართლობას აქვს აშკარად ადგილი.

და საერთოდაც, ვუნდივართ კი თსუ–ელებს? 😀

მიუხედავად ამ ყველაფრისა, მაინც მიხარია თსუ–სთან გაერთიანება და თუ გინდათ ჩამქოლეთ 😀

P.S. 1 კარგი რამ ნამდვილად აქვს ამ ამბებს, კონფორმისტი თეუსუელი სტუდენტები გამოფხიზლდნენ 😀 თქვენ წარმოიდგინეთ, რაღაცებსაც კი გეგმავენ თეუსუს გამო 😀